Бүген Буа шәһәренең 5 нче гимназиясе базасында «Мәктәп бизнес-старты» республика проектының беренче этабы старт алды.
Бүген Буа шәһәренең 5 нче гимназиясе базасында «Мәктәп бизнес-старты» республика проектының беренче этабы старт алды. 6–7 сыйныф укучылары эшкуарлык нигезләре белән танышалар һәм үз идеяләрен чын проектларга әйләндерергә өйрәнәләр.
Теория урынына укучылар практик эшчәнлеккә чумалар: эшлекле уеннарда катнашалар, бизнес-кейслар чишәләр. Мондый якын килү балаларга үзләрен бизнесмен ролендә сынап карарга, командада эшләргә һәм үз уй-фаразларын ышанычлы рәвештә тәкъдим итәргә ярдәм итә.
Проект мәктәп укучыларына беренче эшкуарлык күнекмәләрен алырга һәм бизнес дөньясының эчтән ничек корылганын аңларга ярдәм итүгә юнәлдерелгән. Дәресләрне бизнес-тренер Илнур Зиннуров үткәрә, ул балаларны стандарт булмаганча уйларга һәм чын бурычлар өчен карарлар табарга өйрәтә.
Проектның үзенчәлеге шунда да ки, эшкуарлык күнекмәләрен өйрәтү программасы мәктәп программасына интеграцияләнгән. Нәтиҗәдә, «арзанрак ал – кыйммәтрәк сат» дигән бер генә проект та булмады. Үз продукциясен җитештерү яисә ниндидер хезмәтләр күрсәтү белән бәйле проектлар булды.
Нет комментариев