Буа районы башлыгы «Якты Алан» паркын төзү өчен халыкны тавыш бирүдә катнашырга чакыра

-Бүген бездә тагын бер мөһим адым ясау мөмкинлеге бар – Бөтенроссия онлайн-тавыш бирү кысаларында "Якты Алан" паркының (Сәйдәшев ур., Н. Кадыйров ур., Буа шәһәре) төзекләндерүен хуплау.

👉Тавыш бирү мөмкин:
· zagorodsreda.gosuslugi.ru сайтында, моның өчен Дәүләт хезмәтләре порталы аша авторизация узарга кирәк;
· "Дәүләт хезмәтләре. Бергә хәл итәбез" мобиль кушымтасы аша;
· тавыш бирү волонтерлары ярдәме белән – аларны "Игелекле Татарстан" дип язылган якты киемнәреннән танып була.

Бу урын төрле яшьтәге кешеләр өчен тагын да уңайлы, заманча һәм җәлеп итү урыны була ала. Без инде бу урында буабызны чистарттык, якын арада агачлар утыртуны планлаштырабыз. Хәзер агачларның төрен һәм аларны утырту урынын билгелибез. Һәркемне тавыш бирүдә катнашырга һәм "Якты Алан" паркына өстенлек бирергә чакырам,- дип яза Ранис Камартдинов.

Буада паркларның милли программалар нигезендә ничек үзгәртеп ясалганын искә алыйк әле

Буа шикәр заводы паркы 2020 елда "Заманча шәһәр мохитен формалаштыру" проекты гамәлгә ашу нәтиҗәсендә тантаналы рәвештә ачылды. Паркта җәяүлеләр өчен юллар салынган, утыргычлар, балалар уен мәйданчыклары, тренажерлар мәйданчыгы урнаштырылган. Шулай ук монда 1981 елда Бөгелмә шикәр заводы эшчеләренең паркта беренче тапкыр Яңа ел чыршысын куеп, бизәүләре турында тарихи мәгълүматлар булган аерым стенд бар. Парк шәһәр халкы өчен генә түгел, район кунаклары өчен дә яраткан ял итү урынына әверелде. Анда кайнар чәй һәм күмәч сату урыннары эшли, шулай ук сувенир продукциясе дә сатып алырга мөмкин.

Яшьләр паркы шәһәрнең өске өлешендә урнашкан. Аның тирәсендә торак йортлар, балалар бакчасы, балалар сәнгать мәктәбе һәм яңа Мәдәни үсеш үзәге бар. Парк яңа иҗтимагый үзәккә якын булуы, шулай ук тирә-юньдә башка ял итү урыннары булмау сәбәпле, халык тарафыннан бик яратыла. Мәдәни үсеш үзәге ачылуга бәйле рәвештә, паркта кешеләр саны ике тапкыр арткан. Төзекләндерү вакытындагы төп үзенчәлек – тарихи яктан формалашкан функциональ зоналарны, шулай ук 2014 елда башланган ландшафт реконструкциясе барышында утыртылган яшь агачларны һәм куакларны саклау. Балалар өчен паркта куркынычсыз резина түшәмле яңа уен мәйданчыгы булдырылган, ә яшьләр өчен скейт-парк төзелгән. Wi-Fi тоташу ноктасы һәм видеокүзәтү оештырылган. Паркның җәлеп итү үзәге яңа