Байрак
  • Рус Тат
  • Буада булачак солдатларга хокук дәресләре бирделәр (+фото)

    “Чакырылучылар хокуклары” дигән исем астындагы дәресне Татарстан Республикасында  кеше хокуклары буенча Вәкил Сария Сабурская һәм Татарстан Республикасы хәрби комиссары Сергей Погодин үткәрделәр.

    Мәдәни үсеш үзәгендә узган әлеге чарада Идел аръягы районнарыннан чакырылучылар һәм аларның әти-әниләре катнашты. Сәламләү сүзе белән муниципаль район башлыгы Марат Җаббаров чыгыш ясады. Сергей Николаевич Россия Федерациясе Кораллы көчләре структурасы, хәрби техника, яңалыклар, армия хезмәте, контракт буенча һәм альтернатив гражданлык хезмәт итү турында cөйләде. Сария Харисовна чакырылучыларның хокукларын барлады, үзеңне борчыган сораулар белән кая мөрәҗәгать итәргә кирәклеген әйтте, килеп туарга мөмкин булган проблемаларны һәм аларны хәл итү юлларын күрсәтте. Армия хезмәтен үтәп кайткан Евгений Ерилин, Константин Охотин егетләрне армия хезмәтен лаеклы үтәргә чакырдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: