Кичә, бүген, иртәгә
Буада гөшер садакасын тараталар (+фото)
Буа мөхтәсибәте Буа мәдрәсәсе шәкертләре белән берлектә халыктан җыелган гөшер садакасын таратты.
Бәрәнге, кишер, кабак Буа шәһәрендә яшәүче 25 аз керемле гаиләгә, әтисез яки әнисез калган, мохтаҗ гаиләләргә таратылды. Аларның йөзләре шатлыклы иде һәм рәхмәт сүзләре күп ишетелде. “Киләсе елга да мондый саваплы чараны оештырырбыз иншаллаһ,”- ди мөхтәсибәт пресс-секретаре Шамил хәзрәт Вәлиуллин. Ислам динендә мөхтаҗларга булышу хуплана. Ай буе Буа шәһәре авыл имамнарына, аеруча Апас, Кайбыч, Чүпрәле районнарына мәдрәсәбезгә оештырып гөшер садакаларын алып килгәннәре өчен, Буа мөхтәсибәте олы рәхмәтен белдерә.
Следите за самым важным и интересным в Telegram-каналеТатмедиа
Нет комментариев