Байрак
  • Рус Тат
  • Кашык, медальон, медаль  - буалы Сания апа Бариевага сугыштан кайтмаган абыйсының әйберләрен китерделәр

    Кичә Буада яшәүче ветеран укытучы Сания Хисмәтулла кызы Бариевага “Буинск-информ” җитәчесе Гакыйл Камалетдинов аның сугышта һәлак булган абыйсының шәхси әйберләрен  медальонын, кашыгын һәм “Ленинград оборонасы өчен” медален тапшырды.

    Фронтовик Абдулла Хисмәтулла улы Хисмәтуллин (тумышы белән Биектау районының Коркачы авылыннан) 1941 елда сугышка киткән, Ленинград өлкәсендә сугышкан, 1942 елда һәлак булган.  Эзләүче отряд аның шәхси әйберләрен тапкан һәм туганнарын ачыклаган. Бу уңайдан Санкт-Петербург НТВ каналы хезмәткәрләре “Буинск-информ” белән элемтәгә кереп, Абдулла солдатның шәхси әйберләрен Буага почта аша җибәреп, сеңелесенә тапшыруыбызны сораганнар иде.  Без шулай эшләдек.

    НТВдагы коллегларыбыз бу вакыга турында сюжет та күрсәтергә җыеналар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: