Буада Бакый Урманче турында китап тәкъдир иттеләр

"Буа җире талантлы шәхесләр белән дан тота. Бүген без күренекле якташыбыз-рәссам Бакый Урманчены кабат искә алдык. Танылган якташыбызның 125 еллыгына багышланган дүрт китапны тәкъдир итү чарасын үткәрдек.
Буа районының йөзек кашы - Бакый ага Урманченың иҗатын югары бәялибез һәм күренекле якташларыбыз белән берлектә талантлы шәхесебезнең  тарихын буыннан- буынга күчерү эшен алып барабыз. Бу эшне алып баруда Казан шәһәренең "Буа якташлыгы" җәмгыяте тарафыннан күрсәтелгән ярдәм бәяләп бетергесез. Ихлас күңелдән аларга рәхмәтемне белдерәм һәм киләчәктә дә продуктив хезмәттәшлеккә өметләнеп калам
Рәссамыбыз Бакый-Урманчега багышланган бу китапларны буалылар, һәм укучыларыбыз бик кызыксынып,  яратып кабул итәрләр дигән ышаныч белдерәм, - дип язган ул.