«Игътибар, балалар!» профилактик чарасы кысаларында дәүләт автоинспекция хезмәткәрләре һәм «Юл куркынычсызлыгы» учреждениесе белгечләре «Бала — иң мөһим пассажир» дигән әһәмиятле акцияне уздырды.
Инспекторлар балаларны автомобильдә имин йөртергә кирәклеген тагын бер кат ассызыклап, юл йөрү кагыйдәләрен искә төшерделәр. Балаларның сәламәтлеге тулаем рәвештә ата-ананың җаваплылыгына бәйле: автокреслога утыртырга һәм иминлек каешыннан файдаланып йөртергә кирәк.
Билгеле булганча, балалар катнашындагы юл һәлакәтләре аеруча август-сентябрь аенда арта. Шуңа күрә акция барган чорда ЮХИДИ хезмәткәрләре тарафыннан төрле чаралар оештырыла. Инспекторлар мәгариф учреждениеләрендә, балалар бакчаларында булып, кисәтү-аңлату әңгәмәләре алып баралар, ата-аналар, балалар белән очрашалар, профилактик чаралар уздыралар. Балалар бакчасы, мәгариф учреждениеләре яныннан узганда тиешле тизлекне сакламаучылар, махсус балалар утыргычлары белән җиһазландырылмаган автомобильләрдә хәрәкәт итүчеләрне контрольгә алалар.
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев