Буалыларга гриппка каршы прививканы кайларда ясыйлар

Буада август аенда гриппка каршы прививкалау кампаниясе башланды. Буа дәваханәсе поликлиникасы мөдире Наилә Гыймадиева белдерүенчә, ул 1 ноябрьдә төгәлләнәчәк. Шуңа күрә табиблар вакцина ясатырга ашыгырга чакыралар. Вакцина кертелгәч, организмда әлегә авыруга каршы иммунитет булсын өчен 3 атна кирәк. Табиблар фаразынча, быел грипп декабрьдә килсә, бу вакытка организм аны "коралланган" килеш каршы алырга тиеш. Вакциналар җитәрлек күләмдә кайтартылган.

Әле прививка ясатырга өлгермәгән барча буалыларны иске поликлиниканың (1 номерлы) 214нче, яңасының (2 номерлы поликлиника) 128нче, 220нче процедура кабинетларында көтеп калабыз!