Буаның күпкатлы йортында яңа балалар мәйданчыгы куйдылар (+фото)

Яңа мәйданчыкны “Мелиоратор” территориаль җәмәгатьчелек үзидарәсе рәисе Мәсгудә Гыйматдинова республика конкурсында откан грант акчасына куйдырган. Йорт буенча өлкән Лилия Рамазанова сүзләренә караганда, алар мондый мәйданчык өчен Мәсгудә Шәрәфулла кызына бик рәхмәтле. Моннан өч ел элек иске мәйданчыкны алгач, өч ел буе балаларга комда гына уйнаганнар. Хәзер таганда атыналар, тауда шуалар.