Байрак
  • Рус Тат
  • Буа районында урак темпы югары

    Авыл хуҗалыгы һәм азык-төлек идарәсеннән алынган мәгълүматларга караганда, 23 августка бөртекле һәм бөртекле-кузаклы культураларның 71,8 процентында җыеп алынган.

     

    “АгроНур”да һәм “Ямбулат”та урып-җыю эшләре төгәлләнгән. “Авангард”та ул барлык мәйданның 86, “Коммуна”да – 84,5, “Дружба” агрофирмасының 4 номерлы филиалында – 82,5, 2 номерлы филиалында – 80, “Кыят”та 79 процентында башкарылган.

    Ындыр табакларына барлыгы 97694 тонна ашлык кайтарылган. Район буенча һәр гектардан уртача 24,7 центнер уңыш чыга. “Ямбулат”та бу сан 36,5, “Авангард”та – 34,9, “Коммуна”да – 34,1, ”Кыят”та 30,4 центнерга тиң.

    Алдынгыларга тигезләнегез!

    Комбайнчылар арасында ярыш кызганнан-кыза. 23 августка иң күп ашлык суктыручылар белән танышыгыз.

    Икенче төркемгә керүче комбайннарда эшләүчеләр арасында “Коммуна”дан Илдус Насыйбуллин әлегә беренчелекне бирми. Ул “Акрос-550” белән 1465 тонна ашлык суктырып алды. Икенче урынга 1415 тонна күрсәткече белән “АгроНур”дан Фаяз Гафуров күтәрелде. Өченчедә – “Авангард”тан 1349 тонна иген суктырган Николай Николаев.

    Өченче төркемдәгеләр арасында урак башыннан бирле лидерлык “Кыят”тан “Акрос-595”тә эшләүче Александр Грачевта. Аның күрсәткече 2629 тоннага тиң. “Нью Холланд” комбайннарын иярләүче авангардлылар Фирзәр Хаттапов һәм Дмитрий Сидоров шул чагыштырмада 1935 һәм 1917 тонна ашлык суктырдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: