Буага Республика Президенты килде (фоторепортаж)

Утырыш башланганчы ул "Полба-М" җәмгыяте эшчәнлеге белән танышты. Директор Марат Фәсхиев 2015 елда оешкан җәмгыятьнең бүгенге көндә җитештерүне 4 тапкырга үстерүе, ике төрдә ярманы, алты төрдә макарон әйберләрен Хабаровсктан алып Калининградка кадәр, хәтта Казахстанга реализацияләүләре, Татарстанның азык-төлек һәм социаль туклану департаменты аша мәктәпләргә, балалар бакчаларына, дәваханәләргә җибәрелүе турында сөйләде. Шулай ук биредә 11 пайчыны һәм 2 оешманы берләштергән "Буа сөте" авыл хуҗалыгы җитештерүе кооперативы оештырылган. Сөт продуктлары җитештерү цехын апрель-май айларында эшләтеп җибәрү планлаштырыла. Президент шулай ук үзәк дәваханәдә ремонт барышын, мәдәни үсеш үзәге янында һәм холлында оештырылган күргәзмәне карады.