Буалылар, онытмагыз, бүген чыршылар ачыла

Урамда кар урынына яңгыр яуса да, Яңа ел үз чираты белән килә. Чыршыларны ачу тантанасы да була. Кыш бабай һәм Кар кызы буалыларны һәм шәһәр кунакларын 15 сәгатьтә Буа элеваторы янында көтеп калачаклар. 16 сәгатьтә шикәр заводы, тагын ярты сәгатьтән Яшьләр паркларындагы чыршылар утларын кабызачак. Үзәк парктагы төп чыршыны ачу 17. 30 сәгатькә билгеләнгән. Килми калмагыз!

Үзәк чыршы бәйрәмгә 31 декабрь көнне 18 сәгатьтә дә чакырып кала. Ә 19 сәгатьтә фейерверк булачак.