Игътибар, яңа конкурс “Буаның иң халык күңелен яулаган хатын-кызлары”

Тиздән 8 Март - Хатын-кызлар көне җитә. Бу уңайдан редакция сайты, газетасы һәм телевидениесе яңа бәйге игълан итә. Ул районда төрле өлкәдә эшләүче, буалылар арасында киң танылган хатын-кызлар арасында узачак.

Һөнәри берлекләр эшчәнлеге:

Надежда Александровна Быченкова, "Буа электр челтәрләрендә" беренчел һөнәр берлеге оешмасы (Идел аръягында 8 районны колачлый) рәисе.

Медицина:

Миләүшә Фәритовна Җәләлдинова, районара бала тудыру үзәге мөдире, табиб акушер-гинеколог.

Мәгариф:

Наталья Александровна Македонская, район мәгариф идарәсе начальнигы урынбасары.

Мәдәният:

Зөһрә Хәмитовна Морзаханова-Талипова, район мәдәният йорты каршында эшләп килүче "Яктылык" халык театрының баш режиссеры, Буа дәүләт драма театрының әйдәп баручы артисты.

Спорт:

Альбина Петровна Вәлиуллина, шәһәрнең "Батыр" спорт мәктәбе директоры, самбо һәм дзюдо буенча тренер, физкультура отличнигы, 1 судья категориясе бар.

Әлеге конкурсантлар турында иртәгә күбрәк язабыз, эшләре, гаиләләрее турында фотолар урнаштырабыз. Шулай ук иртәгә, алар өчен тавыш бирү дә башланачак. Конкурсның шартларын да язабыз. Безнең белән калыгыз!