Татарстанда бераз салкынайта һәм яңгырлар явачак
Татарстанда якын көннәрдә эссе һәм коры һава торышы яңгырлы һәм салкынча һава торышына алмашынуы көтелә. Бу хакта Татарстан Республикасы Гидрометеорология үзәге хәбәр итә.
27 июль кичендә һәм 28 июль төнендә кыска вакытлы яңгырлар күбесенчә республиканың көнбатыш районнарында явачак. 28 июль көнне көндез бөтен Татарстан буенча явым-төшем көтелә. Урыны белән яшенле яңгырлар, җилнең секундына 18-23 метрга кадәр көчәюе һәм боз явуы ихтимал.
Төнлә Температура 16-21 градус, көнчыгышта – 24 градуска кадәр. Көндез һава 23-28 градуска кадәр җылыначак, көнчыгышта – 31 градуска кадәр.
Чәршәмбе көнне, 29 июльдә, төнлә явым-төшем көтелми, әмма көндез атмосфера фронты якынлашу белән көньяк-көнбатыш районнарда янә яшенле яңгырлар явуы ихтимал. Яшенле яңгыр вакытында җил урыны белән секундына 15-20 метрга кадәр көчәячәк, боз явуы да ихтимал. Төнлә – 14-19 градус, көндез – 25-30 градус.
Пәнҗешәмбе, 30 июльдә, Татарстан циклон йогынтысына дучар булачак. Республикада уртача һәм көчле яңгырлар, урыны белән яшенле яңгырлар көтелә. Төнлә – 14-19, көндез – 19-24 градус.
Якынча фаразлар буенча, 31 июльдә һәм 1 августта һава торышы тотрыксыз булачак, вакыт-вакыт яңгырлар көтелә. 31 июльдә көндез температура 19-24 градус, 1 августта 22-27 градус булачак.
Тулырак: https://tatar-inform.tatar/news/tatarstanda-beraz-salkynaita-ham-yangyrlar-yavacak-5926937
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев