24 кешелек төркем белән театр автобусы Саратов ягына юл алды.
Буа дәүләт драма театры артистлары Балашово шәһәрендә “Театральное Прихоперье” Х Бөтенроссия фестивалендә катнашачаклар. Анда В. Маяковский исемендәге Мәскәү драма академия театры, Свердловск, Тамбов, Липецк, Оренбург өлкәләре, Санкт-Петербург шәһәре, Чуашстан республикасы театр коллективлары катнаша. Ә Татарстаннан берьюлы ике коллектив килә - Буа һәм Яр Чаллы театрлары.
Буалылар фестивальдә “Капитанская дочка” спектакле белән чыгыш ясаячаклар. Тамаша иртәгә Балашово Мәдәният үзәгендә күрсәтеләчәк.
- Илнең 12 бик көчле театр коллективлары үзләренең иң яхгы эшләрен күрсәтәчәкләр, - дип язалар әлеге фестиваль турында аны оештыручылар.
Нет комментариев