Татарстанда яшәүче ир-атны исерек хәлдә мопед белән идарә иткән өчен колониягә озатканнар
Татарстанның Кукмара районында яшәүчегә ир-атка исерек хәлдә мопед белән идарә итү турындагы эш буенча хөкем карары чыгарылган. Бу хакта район суды матбугат хезмәте хәбәр итә.
Җинаять эше материалларыннан күренгәнчә, гражданин Яңа Кукмара авылында үз өендә дусты белән кәеф-сафа корып утырган. Алкоголь беткәч, ир-ат мопедка утырган һәм дусты белән күрше авылдагы кибеткә аракы алырга киткән. Кире кайткан вакытта аларны полиция хезмәткәрләре тоткарлаган. Тикшерү ир-атның исерек булуын раслаган.
Исерек хәлдә мопед белән идарә иткән өчен берничә тапкыр җаваплылыкка тартылуын исәпкә алып, аны суд карары белән 10 айга гомуми режимлы колониягә озаттылар, шулай ук 3 ел да 10 айга транспорт чаралары белән идарә итүгә бәйле эшчәнлек белән шөгыльләнү хокукыннан мәхрүм иттеләр. Мопед конфискацияләнде. Суд карары законлы көченә керде инде.
Тулырак: https://tatar-inform.tatar/news/za-pyanuyu-ezdu-na-mopede-tatarstanca-otpravili-v-koloniyu-5926410
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев