Татарстанның Авыл хуҗалыгы министрлыгында Буаның уртак табынга керткән өлешен бәяләделәр

Анда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров һәм «Россельхозбанк» АҖенең Татарстан төбәк филиалы директоры Ләлә Кәдермәтова катнашты. Марат Җәббаров хәбәр иткәнчә, быелгы ел игенчелек һәм уңыш формалаштыру өчен уңайлы булды, вегетация чорында дым кытлыгы булмады.

«Шул ук вакытта урып-җыю чорында республика буенча уртача 165 мм явым-төшем яуды, бу - күпьеллык уртача күрсәткечләрнең 150%ы, бу туфракның артык юешенә китерде һәм урып-җыю эшләрен катлауландырды», - диде ул.

Төп бөртекле культураларны җыюны төгәлләделәр

Республика игенчеләре төп бөртекле культураларны җыюны төгәлләделәр. Оператив белешмәләргә караганда, тулаем җыем 3 млн 837 мең тонна тәшкил итә, уртача уңыш - 34,5 ц/га.

Тагын 56 мең га мәйданда ашлык кукурузын суктырасы бар. Өстәмә рәвештә 470 мең тоннага якын кукуруз орлыгы суктырырга уйлыйбыз. Бункерлар авырлыгында 4,2 млн тонна чамасы ашлык җыелыр дип көтелә, 4 млн тонна чамасы эшләп бетергәннән соң», - диде министр.

Иң зур өлешне Тәтеш, Арча һәм Буа муниципаль районнары кертте, алар 190 мең тоннадан артык ашлык суктырганнар. Бөртеклеләр җиренең уңдырышлылыгы буенча алдынгылар булып Тәтеш муниципаль районы тора - 50,7 ц/га; Әтнә - 46,7 ц/га; Балтач районында - 45,6 ц/га; Кукмара районы - 45,6 ц/га.

705 мең тонна чөгендер эшкәртелгән

Марат Җәббаров сүзләренә караганда, быел шикәр чөгендерен җыю мәйданы 52,9 мең га тәшкил итә. Бүгенгә 39,5 мең га чыгарылган, бу барлык мәйданнарның 75%ы, 2,1 млн тонна чимал җыелган, уңдырышлылык - 529 ц/га, бу узган ел белән чагыштырганда 35 ц артык.

«Шикәр чөгендеренең тулаем җыемы 2,3 млн тонна чамасы булыр дип фаразлыйбыз. Икесе дә шикәр заводы (берсе Буа) эшли, тәүлеккә 15 мең тоннага якын чимал эшкәртелә. 705 мең тонна эшкәртелгән, яңа уңыш 94 мең тонна шикәр җитештерелгән, тулаем алганда, узган ел дәрәҗәсендә шикәр җитештерү күләмен көтәбез», - диде министр.

Татарстан Республикасы Авыл хуҗалыгы һәм азык-төлек министрлыгы сайты.