Кичә, бүген, иртәгә
Татарстанда төнлә -6 градуска кадәр салкын булуы көтелә
Бүген, 25 октябрьдә, Татарстан территориясендә болытлы һава торышы, җепшек кар явуы һәм кыска вакытлы буран чыгуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Һава температурасы төнге сәгатьләрдә −6..-1, көндез исә −2..+1 градус тәшкил итәчәк. Көчле җил көтелә, төнлә аның тизлеге урыны белән секундына 15 метрга кадәр җитәргә мөмкин.
Элегрәк ТР Гидрометеорология һәм әйләнә-тирә мохитне күзәтү идарәсе машина йөртүчеләрне һәм җәяүлеләрне республика юлларында кар боткасы һәм бозлавык барлыкка килүе хакында кисәткән иде.
Следите за самым важным и интересным в Telegram-каналеТатмедиа
Нет комментариев