Татарстанда чүп яндыру заводы төзелешен 2025 елда тәмамлау планлаштырыла

«Завод төзелеше дәвам итә. 2025 ел ахырында «ПЖКХ» компаниясе Ростехтан партнерлары белән завод төзелешен тәмамларга планлаштыра. Анда 25 процент инде гамәлгә ашырылган», - диде шәһәр башлыгы.

Метшин билгеләп үткәнчә, 2010 елда Казанның Химический урамында полигон тапшырылган иде, бу мәйданчык 28 елга җитәргә тиеш иде. «Без ул вакытта 600 тонна чүп җыя идек. Бүгенге көндә шәһәргә бәйрәмнәрдә 1,8 мең тонна чүп-чар китерелә. Безгә ярты республика чүп-чар китерә. 28 ел урынына 13 ел эчендә Химический урамындагы полигонны тутырдылар», - дип ассызыклады ул.

Аның сүзләренчә, хәзерге «Көнчыгыш» полигонының куәте өч-дүрт елга җитәчәк. «Шуңа күрә чүп-чарны аерым җыю, экологик тәрбия, калдыкларны эшкәртү мәсьәләләре киләсе елга калачак. 2024 елда без программаны кабул итәргә һәм бу өлкәдә дә уңышларга ирешергә телибез», - дип нәтиҗә ясады мэр.