Буа Яңа елга әзерләнә (фоторепортаж)

Аңа ярты ай вакыт калып бара. Буаның төп чыршысы үзәк мәйданда урын алды инде, утларын әле кабызмаганнар. Тиздән аның тирәсендә төрле сыннар пәйда булачак. Оешма-предприятиеләр вәкилләре аларны ячар өчен кар өемнәрен әзерәгәннәр. Буа ветеринария техникумының 3 курс студентлары шәмәхә төстәге маймылны ясап куйдылар да. Кибетләр дә дә Яңа ел "исе" килә. Яңа ел уенчыкларыннан, сувенирларыннан башлар әйләнә. Ел символы Әтәчнең ниндие генә юк. Шулай ук Буа сатып алучыларын биналар диварына, ишекләренә ябыштырылган Кыш бабай һәм Кар кызы сәламли.