Кайбер спорт төрләренә бөтенләй эләгеп булмый инде. Сатуга исә барлыгы 450 мең билет чыккан.

Су спорты буенча дөнья чемпионатына 121 мең билет сатылган

Шулай да әле барлык спорт төрләренең сайлап алу этапларына, синхрон йөзү, йө­зү, су тубы ярышларының финалларына да билетлар бар. Суга сикерү һәм хай-дайвингка билетлар калмаган. Мисал өчен, 2 август көненә ир-егет спортчы­лар­ның 10 метрлы каланчадан суга сикерүнең финал ярышларына билетлар сатылып беткән. Билетларның 60 проценты Интернет аша сатып алынган. Бу - иң җиңел ысул. Электрон билетны кәгазь­гә басылганына алмаштыру да кирәк түгел. Бүген Казанда 26 касса эшли. Билет сату урыннары Мәскәү, Санкт-Петер­бург, Әлмәт, Түбән Кама, Чаллы шәһәр­ләрендә һәм "Казан" аэропортында да бар.15 июльдән һәр спорт корылмасында билет кассалары ачарга ниятли­ләр
Бәяләре "тешләрлек" түгел. Су тубы уеннарына эләгү - 50-1500, йөзүгә - 100-1000, синхрон йөзүгә - 100-1500, суга сикерүгә - 100-1000, ачык суда йөзүне карарга - 800 һәм хай-дайвингка 1500-3000 сум тора. Ә чем­пио­натның төп тамашасы булган "Пилигрим" чарасына керү 500-3000 сум тора.
Казанда су спорты төрләре буенча дөнья чемпионаты 24 июль - 9 август көннәрендә уза. Анда 190 илдән 2,5 меңләп спортчы катнашуы көтелә.