Казан-Ульяновск трассасында пассажирлар йөртүчене кыйнаганнар, пычак белән янаганнар

Пермь шәһәрендә яшәүче 1977 елгы йөртүче Казан-Ульяновск трассасында ягулык салу станциясе территориясендә үзе белән булган хәлне район эчке эшләр бүлегенә шалтыратып әйтә. Ул үзенең “Шкода-Октавия” автомобилендә утырып баручы ике пассажирының үзен кыйнауларын һәм пычак белән янауларын хәбәр итә. Алар шул рәвешле йөртүченең автомобилен талап алмакчы булган. Бу факт буенча җинаять эше кузгатылды.