“Авангард” агрофирмасында уңганнарны бүләкләделәр (фоторепортаж)

Моңа багышланган традицион тантана шимбә көнне үтте. Авангардлыларны котларга һәм бүләкләргә "Ак Барс" холдинг компаниясе генераль директоры Иван Егоров, җәмгыятнең башкарма директоры Илшат Шаһиәхмәтов килделәр. Теләкләрен муниципаль район башлыгы Азат Айзетуллов, агрофирма директоры Николай Курчаткин һәм башка кунаклар җиткерделәр. Бу көнне сәхнәгә 150дән күбрәк хезмәткәр күтәрелде. Аларга Мактау грамоталары, Рәхмәт хатлары, "Ак Барс"ның алтын, көмеш күкрәк билгеләре, "Хезмәт батырлыгы өчен" медальләре белән бергә төсле телевизорлар, суыткычлар, туңдыргычлар, ноутбуклар, кер юу машиналары һәм башка кыйммәтле бүләкләр, кайбер белгечләргә, бүлекчәләр идарәчеләренә хезмәт автомобильләре тапшырылды.

Быел башыннан Буа районы юлларында 6 кеше һәлак булды

Буада юл йөрү кагыйдәләрен саклау буенча киңәшмә узды.

Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.