Бүген “Байрак газетасы һәм җирле телевидение хезмәткәрләре Яңа ел бүләге алдылар

Ел хуҗасы - тәм-том тутырылган йомшак маймыл "Татмедиа" холдингы бүләге. Безне иң шатландырганы - коллектив газета сайтын үстергән өчен "Ел лидеры - 2015" дипломы белән бүләкләнде. Газета редакторы Гакыйл Камалетдинов бу бүләкләрне еллык эшкә нәтиҗә ясалган киңәшмәдән алып кайтты. Әлбәттә, бу уңышка без сезнең белән бергә ирештек, хөрмәтле сайт укучылар һәм ВКонтактедагы "Новости Буинск", "СМИ. Мы делаем новости" төркемендә теркәлүчеләр. Киләсе елда да сезгә иң кайнар яңалыкларны җиткереп барырга тырышачакбыз. Бергә булыйк!