Кичә Каенлыкта янгын чыкты (+фото)

Глонасс системасы буенча килеп ирешкән хәбәрдә Каенлыкта йорт януы турында әйтелә. Янгын сүндерүчеләр бәла булган урынга килеп җиткәндә, 5х8 метр үлчәмле агач йортның тәрәзә рамнарынннан төтен чыга торган була, ачык ялкын күзәтелми. Аларны каршы алган күрше йортта яшәүче ир-ат өйдә кеше булмавын әйтә. 1 минуттан бирегә йорт хуҗасының ире килә, ул утын мичен ягуын әйтә, ишекне ача. Йорт эченә кергән ГДЗС звеносы йокы бүлмәсендә мич янында матрас пыскып януын ачыклый (ишекне ачкач ул ялкынланып яна башлый). Аны тиз арада сүндерәләр. Ут мич ягу кагыйдәләрен бозу аркасында элгән дип фаразлана.