Буаның “Пятерочка”, “Магнит” кибетләрендә Ульяновск егетләре нишләп йөргән?

Район эчке эшләр бүлегеннән алынган мәгълүматларга караганда, 7 апрель көнне шәһәрнең Төзелеш урамындагы "Пятерочка"дан билгесез затлар 13264 сумлык кофе урлыйлар. Икенче көнне дә каракларның кофега күзе "кызган", өстәвенә алар аракы да кыстырып чыкканнар. Бу факт "Шик" сәүдә үзәгендәге урнашкан "Пятерочка" да була. Полицейскийлар каракларны "кайнар эз"дән тоткарлыйлар. Алар - Ульяновск шәһәреннән килгән 4 ир-ат.

13 апрель көнне полиция бүлегенә тагын мәгълүмат керә, бу юлы да "Магнит" кибете киштәсеннән 2932 сумлык кофе һәм чай юкка чыга. Угрыларның шәхесләре билгеле, алар шулай ук Ульяновск шәһәрендә яшәүче ике ир-ат.

Әлеге очраклар буенча җинаять эшләре кузгатылды.