Судтан ФОТО-ВИДЕОрепортаж: Буада “Пятерочка” кибетеннән урлаучыларны хөкем иттеләр

Бүген шәһәр судында 7 апрель көнне шәһәрнең "Пятерочка" кибетләреннән кофе һәм аракы урлаучыларны хөкем иттеләр. Алар 1996, 1994 елгы дүрт Ульяновск шәһәре һәм өлкәсе егетләре. Шунысы кызык: әлеге кырын эшләре булмаса, егетләр бар яктан да үрнәк: алар яхшы студентлар, укуда, спортта, җәмәгать эшчәнлегендә актив катнашкан, Мактау грамотлары да шактый. Берсе генә караклыкта икенче тапкыр гаепләнә. Суд эскәмиясендә алар үз гаебен таныдылар.

Бер сәгать якын барган суд процессы гаеплеләргә шартлы рәвештә ирегеннән мәхрүм ителү хакындагы суд карарын уку белән тәмамланды.