Берничә бала тапкан хатын-кызлар вакытыннан пенсиягә чыга ала. Татарстанда әниләргә нинди пенсия ташламалары бар – «Татар-информ» материалында.
Ике баласы булу
Ике бала тапкан хатын-кызлар вакытыннан алда пенсиягә чыгу хокукына ия. Ләкин түбәндәге шарт үтәлергә тиеш: аның гомуми иминият стажы кимендә 20 ел булырга тиеш. Шуларның 12 елы ерак төньяк районнарында яки 17 елы – аларга тиңләштерелгән җирләрдә эшләнергә тиеш.
Бу очракта Татарстанда яшәүче хатын-кыз пенсиягә 10 елга иртәрәк – 50 яшьтә чыгарга хокуклы.
Өч бала аналары өчен вакытыннан алда пенсиягә чыгу
Өч бала тапкан һәм 8 яшькә кадәр тәрбияләгән аналар 57 яшь тулгач, пенсиягә чыгуга исәп тота алалар. Әмма моның өчен кимендә 15 ел хезмәт стажы булырга тиеш
Дүрт баласы булу
8 яшькә кадәр тәрбияләгән дүрт бала аналары да вакытыннан алда – 56 яшьтә пенсиягә чыга ала. Әмма моның өчен кимендә 15 ел эшләргә кирәк.
Биш бала өчен вакытыннан алда пенсия
Биш бала тапкан һәм тәрбияләгән хатын-кызлар 50 яшьтән пенсия белән тәэмин ителүгә исәп тотарга хокуклы. Әмма моның өчен шулай ук кимендә 15 ел иминият стажы булырга тиеш.
Тулырак: https://tatar-inform.tatar/news/tatarstanda-xatyn-kyzlar-ocen-vakytynnan-alda-pensiyaga-cygu-ocraklary-turynda-soiladelar-5928228
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев