Объектларны ачу тантаналары районга эшлекле визит белән килгән Татарстан Республикасы Премьер-министры урынбасары – Авыл хуҗалыгы һәм азык-төлек министры Марат Җаббаров катнашында узды.
Ул муниципаль район башлыгы Ранис Камәртдинов озатуында беренче булып агротехнологик сыйныф белән танышты. Укучылар кунакларны ипи-тоз, музыкаль чыгышлар белән каршы алдылар. “Үсемлекләрнең генетикасы һәм селекциясе” юнәлешендәге агросыйныфта шөгыльләнүче 9 сыйныф укучылары үзләре үткәргән тәҗрибәләр, тикшеренү эшләре турында сөйләделәр.
Ял үзәген һәм район мәдәният йортын ачуда Татарстан Республикасы Мәдәният министры урынбасары Ленар Хәкимҗанов, Татарстан Республикасы Төзелеш, архитектура һәм торак-коммуналь хуҗалык министры урынбасары Мәҗит Салихов та катнаштылар.
Нет комментариев