Буалы ир-ат, акча эшлим, дип, миллион ярым сумнан колак каккан

Район эчке эшләр бүлегенә мөрәҗәгать иткән тагын бер каза күрүче – 30 яшьлек буалы.  31 июль көнне ул “Телеграм”  мессенджеренда боттагы ачык вакансияләр белән кызыксына, анда бирелгән сорауларга җавап яза. 

Нәтиҗәдә ул “куратор” дип аталучы идарәсе астында,  брокер исәпләренә төрле алыш-бирешләргә инвестицияләр ясыйм, дип уйлап, акча күчерә. Шул рәвешле 31 июльдән 11 сентябрьгә кадәр арада   җәмгысе  1 миллион ярым сумга якын акчасыннан колак кага.

Инвестиция мошенниклары – гадәттә, бик яхшы психологлар. Алар сине нәрсә кызыксындырганны шунда ук абайлап алалар, күңелеңә юл табалар һәм шәхси средстволарыңны күчерергә күндерәләр.

Мондый хәлдә калмас өчен биш кагыйдәне истә тотыгыз:

1. Картагыздагы мәгълүматларны, СМС-хәбәрдәге, пуш-белдерү кәгазендәге кодларны беркемгә дә әйтмәгез.

2.  Таныш булмаган кешеләргә акча күчермәгез.

3.  Ашыкмагыз. Банкта бервакытта да исәбегезне тиз-тиз тулыландырырга кушмаячаклар.

 4. Банк һәм брокер турында мәгълүматны кат-кат тикшерегез. Алар банк учреждениеләренең рәсми сайтларында була.