Буа районының «Чайка» балалар сәламәтләндерү лагерында ял итүче 45 бала өчен Экология министрлыгының Идел аръягы идарәсе инспекторлары экологик тәртип кагыйдәләре турында танып-белү лекциясе үткәрде.
Балаларга экологик яшәү рәвеше алып барырга, табигый ресурсларны экономияләргә һәм экологик инициативаларда, акцияләрдә катнашу тәртипләре турында сөйләделәр.
Белемнәрне ныгытуда «Табигать белгече» дип аталган экологик викторина ярдәм итте — балалар табигать, хайваннар турында сорауларга һәм калдыклар белән дөрес эш итү кагыйдәләренә җавап биреп, үз белемнәрен уңышлы тикшерделәр.
Чара «Чиста урман» экологик акциясе белән тәмамланды: балалар лагерь янәшәсендәге территорияне чүптән чистартуга чыкты, һәркем район чисталыгына үз өлешен кертте.
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев