Иминлек — беренче урында: Буада яңа уку елы алдыннан мәктәп автобуслары тикшерелде

Бүген махсус комиссия балаларны йөртүче автотранспорт паркына җентекле күзәтү үткәрде.

Комиссия составына шәһәр прокуроры ярдәмчесе Лилия Гыйззәтуллина, район автоинспекциясе ЮХИДИ инспекторы Алексей Попов, администрация һәм мәгариф идарәсе вәкилләре кергән.

Бүгенге көндә район буенча яшь буалыларны йөртү өчен 18 автобус җәлеп ителгән, шул ук вакытта резервтагы бер автомобиль һәрвакыт төп машинаны алыштырырга әзер тора.

Тикшерүчеләр пассажирларның гомеренә турыдан-туры бәйле булган техниканың төп узелларына аеруча зур игътибар бирделәр. Экспертлар транспорт чараларының тулаем техник төзеклеген, тормоз системасының эшен, руль идарәсенең торышын һәм башкаларны бәяләделәр. Шулай ук аптечкаларның булу-булмавы һәм гамәлдә булу срогы, янгын сүндергечләрнең төзеклеге һәм куркынычсызлык каешлары даими рәвештә тикшерелде.

Прокурор ярдәмчесе Лилия Рәшитовна Гыйзәтуллина сүзләренчә, балалар иминлегенә куркыныч тудырырдай җитди хокук бозулар ачыкланмаган.

— Мәктәп автобуслары яхшы техник хәлдә. Шулай да без йөртүчеләргә һәм җаваплы затларга вак кимчелекләргә — аптечкалар комплектациясенә һәм янгын сүндергечләрнең торышына игътибар иттек, — дип билгеләп үтте ул.

Автотранспорт предприятиеләре хезмәткәрләренең оперативлыгы нәтиҗәсендә барлык искәрмәләр тикшерү барышында ук урында бетерелде.

Мондый чараларның төп максаты — һәр баланың мәктәпкә имин барып җитүен һәм өйгә исән-имин әйләнеп кайтуын тәэмин итү. Тикшерү оештыручылар ата-аналарга да транспортта үз-үзеңне тоту кагыйдәләрен һәм куркынычсызлык каешларын куллану мөһимлеген балаларга исләренә төшереп торырга чакыралар.

Быел башыннан Буа районы юлларында 6 кеше һәлак булды

Буада юл йөрү кагыйдәләрен саклау буенча киңәшмә узды.

Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.