Иске Мәртле һәм Әлши арасында әйләнеп капланган автомобильне таптылар

Шимбә кичендә 23 сәгать 30 минутта Ульяновск номерлары белән "ВАЗ-2114" автомобиленең дамба астына төшеп каплануы хакында язган идек. ДТП вакытында зыян күрүчеләрнең берсе качкан иде. Ул аягындагы җиңел дәрәҗәдәге яра белән дәваханәгә мөрәҗәгать итеп тормаган. Өстәвенә зыян күргән автомобильне дә алып киткән. ДТП урынын ташлап качучыны әлегә эзлиләр. Ә менә автомобиль табылды! Кичә ЮХИДИ хезмәткәрләре "Жигули"ны Козловка авылындагы бер ташландык йорт ишегалдыннан табып алып кайттылар. Автомобиль хуҗасы килеп алганчы штрафстоянкага куелды.