Узган елның сентябрь, октябрь айларында районда гуманитар ярдәм җыю пунктлары ачылды

Биредәге координаторлар буалы ир-егетләребез белән Казанда хәрби өйрәнүләр вакытында да, махсус операция зонасына киткәч тә, даими элемтәдә торып, район җитәкчелеге юнәткән һәм халык акчасына кирәк-яракларны җыеп җибәреп торалар. Әлеге пункттан биш тапкыр гуманитар йөк озатылды. Маршрутка Сватово-Волноваха-Яңа Каховка юнәлешләре керде. Автомобильләр, кием-салым, азык-төлек, көнкүреш химиясе товарлары җибәрелде. Шулай ук тепловизор, генератор һәм башка җайланмалар сатып алынды. Алтынчы сәфәргә декабрь аенда чыгачаклар.

Шул ук вакытта шәһәрнең «Венец» даруханәсе территори-ясендә дә ярдәм җыю пункты эшли. Алар СВО зонасына 15нче модельле автомобиль һәм башка кирәкяраклар җибәргән-нәр. Донецк, Херсон, Сватово шәһәрләренә ярдәм илткәннәр. Бер илткәндә ике «Газель» тутырып барганнар. Шушы ай ахырында тагын Сватово шәһәре юнәлешенә чыгып китәргә ниятлиләр. Ир-егетләр кышка мичләр, аккумуляторлар, генераторлар кирәклеген әйткәннәр. Әлбәттә, кием-салым, азык-төлек тә җибәреләчәк, дип белдерделәр ярдәм җыю пунктында эшләүче волонтерлар. 

Тагын бер гуманитар ярдәм җыю ноктасы шәһәрнең «Ландыш» кунакханәсендә эшләде. Биредә эшләгән 10-12 волонтер инициативасы белән махсус хәрби операциядә катнашучыларга өч тапкыр ярдәм җибәрелде. Ике «УАЗ» автомобиле, 30 тонна тирәсе йөк илтеп тапшырганнар. 

Дүртенче пункт — Зур Фролово авылының Энгельс урамы, 1 номерлы йорт адресы буенча урнашкан гуманитар складта урнашкан. Аннан тактик носилкалар тегеп, окоп шәмнәре, мичләр ясап, оекбашлар бәйләп озаттылар. Генераторлар, тепловизорлар сатып алдылар.