Буа шәһәре мәктәбе укытучысы шушы көннәрдә СВОга китте

Р.З. Сәгъдиев исемендәге мәктәпнең ОБЖ укытучысы Сергей Сысоев, Буа һәм Чүпрәле районнары буенча хәрби комиссариатта контракт төзеп, СВОга китте. Ул Чечня Республикасында хәрби конфликтларда катнашкан,  Батырлык өчен ордены һәм 2 дәрәҗә “Хәрби хезмәттә   аерылып тору өчен” медале белән бүләкләнгән. Педагог Буа районында бала хокуклары буенча вәкаләтленең иҗтимагый  ярдәмчесе булып тора.