Буа районы башлыгы сайланды (фоторепортаж)

Әлеге мәсьәлә каралган район Советының 24нче утырышы бүген район башкарма комитетының утырышлар залында узды. Аның эшендә Татарстан Республикасы Премьер-министры урынбасары - авыл хуҗалыгы һәм азык-төлек министры Марат Әхмәтов, Татарстан Республикасы Президенты Аппараты җитәкчесе урынбасары - Татарстан Республикасы Президентының территорияләр белән эшләү буенча Идарәсе начальнигы Илнур Гарипов та катнаштылар. Марат Готыф улы Марат Җаббаровның район башкарма комитеты җитәкчесе булып эшләү дәверендә үзен танытуын, район үсешенә өлеш кертүен ассызыклады. Депутатларга аның кандидатурасын яклап тавыш бирүләрен сорап мөрәҗәгать иттте. Яшерен тавыш бирү нәтиҗәсендә депутатлар бертавыштан Марат Азат улын сайладылар. Җавап сүзе белән чыккан Марат Азат улы аларга ышаныч белдергәннәре өчен рәхмәтен җиткерде һәм район алга таба үссен өчен барысын да эшләргә вәгъдә бирде.