Якташыбыз, Казан медицина академиясе ректоры Камил Зыятдинов вафат булды

 

 

Ул тумышы белән Әлки авылыннан. Камил Зыятдинов Татарстанда медицинаны үстерүгә зур өлеш керткән кеше.1978 елда Казан медицина институтын тәмамлаганнан соң хезмәт юлын Буа үзәк дәваханәсендә хирург-травматолог буларак башлый. Соңрак поликлиника мөдире булып күчерелә. Аннан соң Казанның 20нче поликлиникасына,18нче шәһәр дәваханәсенә, Идел буе районы дәваханәсенә җитәкчелек итте. Камил Шәһретдин улы 13 ел Татарстанның Сәламәтлек министры вазыйфасында эшләде. Соңгы сигез елда Казан медицина академиясе ректоры булды. Сәламәтлек саклау министрлыгы экс- башлыгы да иде. Мәрхүм белән саубуллашу бүген 9 сәгатьтә КДМА бинасында булачак.