Буалы наркотик саклаган

“Кәефләндергеч” саклаган өчен буалы 31 яшьлек ир-ат суд каршына басты. Әлеге хәл узган елның октябрендә була. Буалы ир-ат Казанда яшәгән вакытта танышыннан 0,23 грамм синтетик наркотик алып, үзендә калдыра. Шул көнне Буага кайтырга дип, юлга чыга, кайтып җитә алмый, аны полицейскийлар тоткарлый. “Кәефләндергечләр”не дә аңардан алалар. Судта ир-ат үз гаебен таныган. Ул 20 мең сум күләмендә штраф түләячәк.

Р. ГЫЙЗЗӘТУЛЛИН, шәһәр прокуроры ярдәмчесе.