Яңа ел Дуслык кубогы – район хакимияте командасында

Ике көн дәвамында әйләнә системасы белән барган ярышта һәр команда дүртәр уен үткәрде. Хакимият командасы аларның барысында да көндәшләрен отты һәм иң күп очко туплады. Икенче урынны бәйгене оештыручылар, өченчене АЭМЗ волейболчылары алды. Җиңүчеләргә, призлы урыннарны алучыларга Буа машина төзү заводы баш инженеры урынбасары Сергей Сергейчев кубоклар, медальләр тапшырды. Һәр катнашучы командадан иң яхшы уенчыга да аерым бүләк — иттарткычлар әзерләгәннәр. Аларга нигездә хатын-кыз уенчылар лаек булды. Командада берәр гүзәл зат булу — бәйгенең төп шарты иде. Командалары көч сынаган предприятиеләр җитәкчеләре дә хезмәткәрләренә бүләкләр тапшырдылар.