Бүген “Минем яраткан укытучым” конкурсының өченче этабында кем җиңде?

Бүген көндезге сәгать 12дә конкурсның чираттагы өченче этабы тәмамланды. Анда катнашкан Р.З. Сәгъдиев исемендәге мәктәпнең башлангыч сыйныфлар укытучысы Светлана Давыдова - 303, Югары Лашчы авылы мәктәбенең рус теле һәм әдәбияты укытучысы Эльмира Зиннәтуллина - 100, ветеринария техникумының татар теле һәм рус теле укытучысы Гөлнара Латыйпова - 412, шәһәрнең 1 номерлы мәктәбенең башлангыч сыйныфлар укытучысы Тамара Мартынова - 186, 2 номерлы лицей укытучысы Наҗия Мөхәммәтҗанова - 303 "лайк" җыйдылар.

Киләсе этапта Р.З. Сәгъдиев исемендәге мәктәпнең башлангыч сыйныфлар укытучылары Талия Рәхмәтуллина, Людмила Николаева, 2 номерлы лицей укытучысы Людмила Насейкина, 5 номерлы гимназия укытучысы Надежда Смирнова һәм шәһәрнең 1 номерлы мәктәп укытучысы Хәмидә Мирзиянова катнашалар. Алар өчен 9 октябрьгә көндезге сәгать 12гә кадәр тавыш биреп булачак. Актив булыгыз!