Буа коткаручылары эзләгән ир-ат үле килеш табылган

Тәтеш районында яшәүче 1941 елгы ир-атның югалуы турында хәбәр иткән идек инде. Ике көн дәвамында эзләүдә 1 номерлы зона эзләү-коткару отряды коткаручылар да катнашты. Аны кичә туганнары Баймәт авылыннан 2-3 километр ераклыкта, урманда үле килеш табалар.

Коткаручылар бу уңайдан өлкән, хәтере югалучан, психик авырулары булган кешеләргә карата игътибарлы булырга чакыра. Андыйларны урманда, посадкаларда очратканда, тукталып, хәлләрен белешергә, ярдәм кирәк булу-булмау турында сорашырга, адекват җавап булмаганда, кичекмәстән 112 экстрен хезмәтчелек номерына шалтыратырга кирәк. Аларны эзләүләре ихтимал. Шулай ук ташлап калдырмыйча, коткаручыларның җавап бирүен көтегез. Моның белән кеше гомерен коткарып калачаксыз.